Chlyb fitness (fitness to je richtich ślōnske miano ;) )

1 2Gŏdajōm3, że bioły chlyb niy je za zdrowy, bo ta mōnka je za kans4 przerobiōnŏ i bez to fajnie sie pojejś chleba, kery je narychtowany ze jak nojmani5 przerobiōnych składnikōw. Ôn je kaloryczny, ale mŏ mało wynglowodanōw i bez to pomŏgŏ tyż schudnōńć- jak zjycie krōmka takego chleba, to już żejście sōm pojedzyni6 😉 Je dojś zbity, ale jak sie wejrzycie7 na lista składnikōw, to sie niy ma co dziwić 😉

Co potrza?

1 szklōnka mōnki orkiszowyj- połnoziarniystyj

1 szklōnka haweflokōw8

1 szklōnka pestek ze słōnecznika

poła szklōnki sezamu

poła szklōnki ziorek lnu

poła szklōnki mōnki ze konopii- jak niy mŏcie, to mogecie dać wiyncyj jakego inkszego składnika

poła szklōnki mōnki kokosowyj- pomelane9 kōłkōsraszple10

1,5-2 łeżeczki soli

4 łeżki oleju rzepakowego

1,5-2 szklōnki wody

mogecie tyż dać sam łeżeczka sody i wtedy ôn trocha urojśnie, ale niy trza

Wszyjsko wczajście11 do miski, wymiyszejcie, przełōżcie do formy keksōwki (jo dŏwōm na spodek tyż papiōr do pieczynioł). Łozgrzyjcie bratruła na 200 stopni i wrojście tam tyn chlyb na 20 minut, a potyn zmniyjszcie na 180 i potrzimcie go jeszcze 40 minut. Wyciōngcie, ochōdźcie na jaki kratce i… smacznego 🙂

 

 

 

 

1naprawdę

2nazwa

3mówią

4mocno

5najmniej

6najedzeni

7spojrzycie

8płatków owsianych

9pomielone

10wiórki kokosowe

11wrzućcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




2 Komentarze

Dodaj komentarz

Twój adres email nie zostanie opublikowany.


*