Znołd1 żech we sklepie tako gryfno2 ōłberiba, że żech musioł jōm przikludzić3 do dōm. Inksi ludzie poôbrywali ze swoich liście i łostawiyli4 je we sklepie, bo myśleli, że na nic im sie niy przidajōm…
mie sie przidały 😉
Co potrza?
połra5 ōłberibōw ze liściami (choć moge być i jedna 😉 )
wyndzōnka6 (tak aby ze 2 łeżki pokrōnyj na kołżdo ōłberiba)
cebula (jak mołcie kans7 ōłberibōw, to idzie dać dwie)
pieprz
łeżka pokrōnego koperku na kołżdo ōłberiba
łeżeczka cukru
trocha soku ze citrōłny8
Nojważniyjsze, to mieć gryfne liście. We sklepie idzie jeszcze take trefić (choć super eko to to niy je…), ale bez lato, jak żech u Teściowyj na zygrōdce9 chcioł jake znojś, to wszandzie10 bōły jake małe muszki i trza bōło narychtować11 ōłberiba bez liści.
Na patelnia wciepcie12 pokrōno13 wyndzōnka i podpiyczcie. Niyskorzi na chwila dociepcie tam cebula, a jak już sie zeszkli, to przidzie tam pokrōno na połski14 ōłberiba (liście idzie pokrołć tyż na dugsze połski). Dociepcie prziprawy, pomiyszejcie ze dwa razy i dolyjcie tam trocha wody. Przikryjcie i warzcie tak dugo, aże nasza ōłberiba bydzie miynkoł. Niyftorzi daliby do tego jeszcze zasmażka, ale mi styknie ta wyndzōnka. Na kōniec pokropcie to sokym ze citrōłny i fertich. Smacznego 🙂
1znalazłem
2piękna
3przynieść
4zostawili
5kilka
6boczek wędzony
7dużo
8cytryny
9ogródku
10wszędzie
11przygotować
12wrzućcie
13pokrojoną
14paski
Dodaj komentarz