Blumkołl i krowa (Danie inspirowane kuchnią turecką)

Blumkołl¹ i krowa to brzmi choby miano² ôd jaki bojki³, ale sam to by trza pedzieć⁴, że ta krowa tak sie zapatrzōła na gornek ze blumkołlym, że do niego wleciała. Tyn miszōng je inspirowany kuchniōm tureckōm- niyrołz moje byzuchy⁵ sie wynołkwiōm⁶, jaki kraj, ze ftorego mōm co uwarzić, a joł sie potyn musza trołpić⁷ i wymyślać. Te wynołkwianie bōło richtich⁸ dobre.

Co potrza?

0,5 kg pomelanyj⁹ wołowiny

1 niy za srogi¹⁰ blumkołl

1 srogo cebula

1 czerwōno papryka

3 łeżki kōncyntratu ze tōmatōw¹¹

sōl i pieprz

trocha oliwy

tak ze 2 szklōnki wrzōntku

Na patelni prziypiyczcie wołowe miyso- mogecie na nia kapnōńć ździebko¹² oliwy. Pokrōno cebula i papryka przipiyczcie leko na oliwie we jakim wiynkszym gorku. Niyskorzi dociepcie do tego miyso, pokrōny blumkołl, kōncyntrat, prziprawy i chwila wszyjsko posmażcie. Zalyjcie to potyn wrzōncōm wodōm i niech sie to przikryte warzi tak dugo, aże blumkołl bydzie miynki. Terozki już yno trza pedzieć: smacznego 🙂