Kotlet ze iberaszōngym (Schabowy z niespodzianką)

Smak ajnfachowego1 schabowego zno kołżdy, ale styknōm2 dwie łeżki jednego składnika i już na talyrzu lōnduje nōm inksze3 danie. Miyso marynowołech bez noc we bazyliowym pesto wymiyszanym ze mostrichym/zynfym/musztardōm i musza Wōm pedzieć, że sie opłaciōło 😉

1 kg schabu pokrōnego na 1 cyntymetrowe plasty

2 łeżki bazyliwego pesto*

2 łeżki mostrichu

tarto bōłka

2 jajca

sōl i pierz

olyj i trocha masła klarowanego do pieczynia

Miyso łoztrzaskejcie, posōlcie, popieprzcie i posmarujcie pesto zmiyszanōmym ze mostrichym. Nojlepi take posztaplowane4 miyso łostawić na noc. Potyn łozfyrlejcie5 we jednym talyrzu jajca ze solōm i pieprzym, a we drugi nasypcie tartyj bōłki. Wejście sie dwie widołki,6 chyćcie nimi miyso (niy bydziecie mieli zmazanych7 palcōw), potōnkejcie8 we jajcu, potyn we tartyj bōłce i wciepcie na łozgrzōno patelnie ze olejym i masłym klarowanym. Jak bydzie fajnie przibrōnołcōne9 ze kołżdyj strōny, to mogecie sie brać za jedzynie. Smacznego 🙂

*Pesto:

1 srogi10 pynczek bazylii

2 zōmbki czosku

3 łeżki prażōnego słōnecznika

30-40 g parmezanu

1/4 szklōnki oliwy

2/4 szklōnki oleju rzepakowego

sōl i pieprz

Wszyske składniki pesto wciepcie do blyndera- ze bazylii yno same listki, włōnczcie… i fertich11. Potyn przełōżcie je do jaki krauzy12 i tak moge se i tydziyń postołć we lodōwce- niyftorzi gołdajōm , że i jeszcze dużi, yno musicie pamiyntać, żeby na wiyrchu bōła zawsze warstwa oleju.

1zwykłego

2wystarczą

3inne

4ułożone jedno na drugim

5roztrzepajcie

6widelce

7brudnych

8zamoczcie

9przypieczone

10duży

11gotowe

12słoika

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*