Chop prōbuje: Syr owczy i kozi

Rajzujymy¹ po cołkim² świecie i smakujymy: a to syr taki, a to jakiś barzi³ wynołkwiany⁴, a niyrołz⁵ taki blank⁶ ajnfachowy⁷ tak nōm zasmakuje, że jeszcze miejsiōnc niyskorzi⁸ pamiyntōmy, jak smakowoł. Syr owczy zawsze mi prawie sōm skokoł⁹ do gymby¹⁰– i niy idzie mi sam yno¹¹ o oscypka, a tego na zicher¹² wszyjscy znajōm. Te hiszpańske prōbowołech na miejscu i bōły richtich¹³ dobre, Pecorino romano może żejście przegryzali przi fōntannie di Trevi, żałuja, że żech niy sprōbowoł we Szkocji tych ichniyjszych¹⁴, ale wszyjsko przedy mnōm.

Syr kozi to już trza lubić, ta kwaskowatojść niyftorych może odciepować¹⁵, a jo sōm wiym, że za kans¹⁶ niy moga go zjejś.

To, co sam przedstawiōm, mogecie sie kupić za niy za dużo piniyndzy we Biedrōnce i Lidlu. Tyn syr hiszpański moł we zestawie syr owczy, kozi i miyszany, a syry ze Światowida idzie znojś we Biedrōnce.

Syr	Waga i cyna	Kōnsystyncja i smak	Ocyna (1-5)
Światowid Ser owczy	160 g 7,99 zł	Niy za miynki i niy za twardy, delikatny, leki17 ôrzechowy posmak, leko pikantny, dojś słōny	5
Światowid Ser kozi	160 g 7,99 zł	Kōnsystyncja podobno jak we tym owczym, delikatny, ale ze lekim kwaskowatym posmakym, kery je charakterystyczny dlo syrōw kozich.	5
Bluedino Tapas de queso: Queseo Iberico- miyszany owczy, krowi i kozi Queso de cabra- syr kozi Queso Manchago- syr owczy	150 g 10.99 zł	Wszyjske majōm podobno kōnsystyncja, sōm leko twardsze niż te polske, a smak? Iberico je delikatny, ze ôrzechowym posmakym, śmiytankowo-maślany. Queso de cabra- delikatny, leko kwaskowaty, ôstrzyjszy, ale fajnie śmiytankowy. Queso manchego- mani słōny niż tyn polski, delikatniyjszy, aksamitny, wyraźny smak, ale mani ostry.	5