Ōmlet biszkoptowy (nie ma co tłumaczyć ;) )

Na wochynende¹ mołcie²– tak se myśla- trocha wiyncyj czasu na śniołdanie i mogecie sie narychtować taki gryfny³ ōmlet⁴. Choć keby⁵ fto chcioł, to go moge zjejś⁶ i na ôbiołd 😉

Co potrza?

5 jajec

4 łeżki mōnki⁷ pszynnyj

sōl i pieprz- chyba, że chcecie zjejś go niyskorzi⁸ na słodko, to dejcie yno ździebko soli i łeżka cukru

Nojprzōd ubijcie biōłka ze solōm, potyn dociepcie dō nich żōłtka, ździebko⁹ pieprzu, mōnka i fajnie to wymiyszejcie. Wylyjcie na patelnia, przibrōnołćcie¹⁰ z kołżdyj¹¹ strōny- na małym ôgniu tak ze połra¹² minut- i mogecie sie brać za jedzynie. Na wiyrch¹³ idzie wciepnōńć byle co i myśla, że pomysłōw Wōm niy brachnie¹⁴. Smacznego 🙂