Krewetki ze bananowōm zōłzōm (Krewetki w sosie bananowym)

Sōm1 dania, ftore2 czowiek jy3 ze smakym, a sōm take, przi ftorych wyglōndōmy4 choby5 bajtle6, kere7 wyciōngajōm gyszynki8 spod choinki (choć może i niyftorzi9 by pedzieli- kristbaumu). Jak żech prziszoł10 na ta zōłza? Do kōńca niy wia… możno to bōły te banany, kere leżały na fynsterbrecie11… Nojważniyjsze je12 to, że krewetki w taki zōłzie sōm tak dobre, że niy dojś13, że żech wypucowoł do czysta cały talyrz, to żech jeszcze sie wziōn14 za wytōnkiwanie15 resztkōw ze patelni.

Co potrza?

500 g krewetkōw

1 banan

1 keliszek wina

100-150 ml śmiytōnki

ździebko16 curry

ździebko chili

1 cebula

1 zōmbek czosku

1 łeżka masła klarowanego

3 łeżki oliwy

trocha pokrajanyj17 natki pietruszki

Na maśle klarowanym i oliwie zeszklijcie pokrajanoł cebula, dociepcie18 do tego wyciśniynty czosnek, pokrajanego byle jak banana (bez skōry) i niech sie to chwila posmażi. Potyn zalyjcie19 to winym, a jak trocha ôdparuje, wciepcie20 krewetki i prziprawy. Niech to sie tak ze połra minut powarzi21, a niyskorzyj22 wlyjcie tam śmiytōnka (yno jōm wprzōd zahartujcie- wlyjcie dō ni trocha gorkyj23 wody abo zōłzy- żeby sie niy zwarzōła24). Dociepcie do tego jeszcze natka, niech sie ze 2-3 minuty powarzi na małym ôgniu i mogecie sie brać za jedzynie- do tego potrzebnoł je yno jako dobroł bōłka abo trocha ryżu. Smacznego 🙂

1są; ō- samogłoska w wymowie między o i u

2które

3je

4wyglądamy

5jak

6dzieci

7które

8prezenty

9niektórzy

10wpadłem

11parapecie

12jest

13dość

14wziąłem

15wytrzeć chlebem

16szczyptę

17pokrojonej

18dorzućcie

19zalejcie

20wrzućcie

21pogotuje

22później

23gorącej

24zwarzyła

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*