Kokot ze apfylzinōm (Kogut z pomarańczą)

Zarozki¹ trza² pedzieć³, że tak po prołwdzie⁴ to żech niy sprawdzoł, czy w tym mojim gorku bōła⁵ kura abo kokot, ale jakosik mi te miano tak lepi pasowało- niyftorzi⁶ by pedzieli: licentia poetica.

Apfylziny już na same spōmniynie⁷ nos⁸ rozgrzywajōm bez te dyszczowe⁹, jesiynne abo zimowe dni. A zołza¹⁰ je tak dobro, że nawet talyrz ôd¹¹ moji Baby¹² bōł wypucowany¹³ do ôstatniyj kropelki 😉

Co potrza?

0,5 kg piersi ze kurczaka

sok ze jednyj apfylziny¹⁴

keliszek biołego wytrawnego abo pówytrawnego wina

1 małoł¹⁵ cebula

łeżka masła klarowanego

ze 2 łeżki oliwy

ze 3 ślizyki¹⁶ zezworu (barzi¹⁷ go znołcie jako imbir)

śmiytōnka¹⁸ (moge być 12%)

sōl i pieprz

Robi sie to richtich¹⁹ wartko²⁰, a jak sie bydzie dusić, to mogecie sie nawet ôbejrzeć 2 odcinki Waszego serialu 😉

Kurczaka pokrejcie²¹ na rubsze²² połski²³. Na leko²⁴ natłuszczōnyj patelni na srogim²⁵ hicu²⁶ przipiyczcie kurczaka- jak niy docie za kans²⁷ tustego²⁸, to niy baje²⁹ Wōm tak pryskało. We brytfance abo jakim gorku³⁰ na maśle klarowanym zeszklijcie pokrōnoł cebula, dolyjcie do tego ździebko³¹ oliwy i dociepcie³² przipieczōnego kurczaka. Na patelnia mogecie wlołć wino, co by Wōm zebrało tyż te prziklejōne, fajnie przibrōnołcōne kōnski, kere ôstały po naszym „kokocie” i zlyjcie³³ to do brytfanki, we keryj już na te wino czekajōm kurczakowe piersi. Dolyjcie do tego sok, dociepcie zezwōr, sōl, pieprz i niech sie to tak na mały ôgniu ze godzinka popykoł³⁴. Potyn wyciōngcie miyso i wlyjcie do zōłzy śmiytōnki- mogecie jōm pryndzyj zahartować, co by Wōm sie niu zwarzōła (dejcie dō ni połra łeżek zōłzy). Wymiyszejcie, mogecie dosmakować, wyciōngcie kōnski zezworu, wciepcie tam jeszcze na chwila „kokota” i już mōmy nasze danie fertich. Joł żech do tego mioł dziki ryż (kery po prołwdzie je nasiōnami trołwy) i potarte jabko ze marchwiōm. Nic wiyncyj tymu niy trza… nō, może jeszcze lampka wina 😉 Smacznego 🙂