Cukinia ze apfylzinōm (Cukinia z pomarańczą)

To, że lubia trocha poeksperymyntować, to już chyba wiycie1, a niyrołz2 to aże mie samego zaskoczy tyn smak, kery na sōm3 kōniec bańtuje4 na moich kubkach smakowych- po ślōnsku to możno by bōły szolki smakowe 😉

Cukinia lubia, a że w dōma miołech tyż sok ze apfylzinōw5, to żech sie pomyśloł, że jakojś to połōncza… a że chopy lubiōm tyż miyso, to we recepcie6 wylōndowała wyndzōnka7 🙂

Co potrza?

2 małe cukinie

0,5 szklōnki soku ze apfylzinōw

15 dkg wyndzōnki

małoł cebula

pieprz

połra8 listkōw limōnki kaffir (mogecie zamiast tego wycisnōńć trocha soku ze citrōłny)

listki ze świyżyj bazylii

Pokrōnoł9 wyndzōnka wciepcie na patelnia i fajnie przibrōnołćcie10. Potyn dociepcie11 dō niyj cebula, a jak ôna12 sie zeszkli, to dejcie13 tam na chwila pokrōnoł cukinia. Potyn zalyjcie14 to sokym, dejcie pieprz, listki limōnki (abo citrōłna) i niech to sie bez przikrycia trocha powarzi15. Jak cukinia bydzie miynkoł, a sok ôdparuje, to jedzynie mołcie16 fertich17. Na talyrzu mogecie jeszcze to posuć18 świyżōm bazyliōm i … smacznego 🙂

1wiecie

2czasem

3sam; ō- samogłoska w wymowie między o i u

4buszuje

5pomarańczy

6przepisie

7boczek wędzony

8kilka

9pokrojoną

10przypieczcie

11dorzućcie

12ô= ło

13dajcie

14zalejcie

15pogotuje

16macie

17gotowe

18posypać

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*