Udzik po żydowsku (Udko po żydowsku)

Jak sie już Wōm1 zmiyrzły2 kurczaki posute3 samōm4 solōm, pieprzym i paprykōm, to joł5 bych Wołs chcioł zachyńcić do tego richtig6 ajnfachowego7 dania. Nic sie niy trza natrołpić8, a smak mołcie blank9 inakszy10, a do tego zawsze sie jeszcze mogecie poasić11, że warzicie12 dania ze kuchniōw ze cołkego13 świata. Sam żech napisoł, że to sōm udziki, ale jak chcecie, to mogecie14 tak narychtować i całoł15 kura abo i yno filety ze podudziōw.

Co potrza?

1 kg udzikōw abo podudziōw

1 łeżka pomelanego16 kminku

płaskoł łeżeczka cynamōnu

płaskoł łeżeczka kardamōnu (yno same ziorka17 ze środka)

płaskoł łeżeczka papryki (ôstryj18 abo słodkyj)

sōl i pieprz

2-3 łeżki oliwy

pynczek19 świyżyj miynty do posucia20 po wiyrchu

Nojlepi narychtujcie21 te nasze udziki dziyń naprzōd22. Mogecie je upiyc we naczyniu żaroodpornym abo rynkołwie23 do pieczynia. Umyte miyso24 posmarujcie oliwōm, posujcie pomiyszanymi prziprawami i fajrant.25

Na drugi dziyń rozgrzyjcie bratruła26 na 180 stopni i wrojście27 tam nasze udziki we zawartym28 rynkołwie abo przikrytym naczyniu żaroodpornym na pó godziny. Potyn rozeżnijcie29 tyn rynkołw abo ôtwōrzcie naczynie żaroodporne i niech sie to terozki posiedzi we bratrurze ze pó godzinki, co by sie nōm fajnie przibrōnołciōła30 skōra ôd tych udzikōw. Takego kurczaka mogecie sie zjejś z jakim szałołtym31, bōłkōm32 abo i kartołflōma33. Jak już skōrka bydzie fajnie przibrōnołcōnoł, to go wyciōngcie ze bratruły, posujcie pokrajanōm miyntōm i smacznego 🙂

1wam; ō- samogłoska w wymowie między o i u

2znudziły

3posypane

4Samą

5ja

6naprawdę

7prostego

8namęczyć

9całkiem

10inny

11pochwalić

12gotujecie

13całego

14możecie

15całą

16zmielonego

17ziarenka

18ô= ło

19pęczek

20posypania

21przygotujcie

22wcześniej

23rękaw

24mięso

25po pracy

26piekarnik

27włóżcie

28zamkniętym

29rozetnijcie

30przypiekła

31sałatką

32bułką

33ziemniakami

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




2 Komentarze

Dodaj komentarz

Twój adres email nie zostanie opublikowany.


*