Piernik ze kartołflōma (Piernik z ziemniakami)

Już ôd1 listopada rychtuja2 roztomajte3 wersje tego piernika i musza pedzieć4, że sie werciōło5. Podstawowy recept6 mōm ôd ciotki Eldzy- już żech jōm sam spōminoł7, przi pieczyniu ciasta ze cukiniōm. Połra8 składnikōw żech wymiyniōł, niyftorych dołech mani i do tego jeszcze 2 łeżeczki ziela angelskigo. Anglikanery gołdajōm na nie allspice, co po naszymu by bōło: wszyjske prziprawy i bez to żech sie pomyśloł, że już wiyncyj tymu piernikowi niy trza. A że niyftorzi gołdajōm na ziele angelske tyż jamajski pieprz, to idzie pedzieć, że bańdzie to pfeferkuchyn9 ze kartołflōma.

Co potrza?

0,5 kg uwarzōnych10 i przepresowanych11 kartołfli (nojlepi je przepresować, jak sōm gorke12)

0,5 kg mōnki pszynny

25 dkg cukru

0,5 kg miodu

kostka masła (rozpuszczōnoł)

5 jajec

5 dkg kakao

1 dkg amōniaku (jak byjście go nikaj niy mogli znojś, to mogecie dać 2 łeżeczki sody ôczyszczōnyj, choć ze amōniakym je fajniyjsze)

2 łeżki mielōnego ziela angelskigo

10 dkg rodzynkōw

10 dkg płatkōw ze mandli

10 dkg kandyzōwanyj skōrki ze apfylziny13

trocha mlyka

Polywa:

5 dkg masła

5 łeżek cukru

3 łeżki mlyka

1 łeżka kakao

Nojprzōd14 ubijcie jajca ze cukrym, potyn wciepcie15 do tego reszta składnikōw i fajnie wymiyszejcie. Pamiyntejcie, żeby amōniak pryndzyj rozrobić we mlyku (styknie ćwierć szklōnki) i żeby tego niy wōniać16, bo śmierdzi jak pierōn. Ale już we pierniku tego smrodu niy bydzie- niy bōjcie sie 😉 Jak już to wszyjsko rozmiyszołcie17, to wlyjcie tyn piernik na wiynkszoł blacha wyłożōnoł papiōrym do pieczynia i wrojście do bratruły18 rozgrzōnyj na 180 stopni. Niech sie to tam posiedzi tak ze 40-50 minut- musicie dać pozōr19, żeby sie niy przipołlōło20. Bez tyn czas mogecie sie zrobić polywa. Wszyjske ôd ni21 składniki wciepcie do gorka, dejcie na piec i niech sie to na małym ôgniu trocha powarzi.

Jak już tyn pfeferkuch bydzie fertich, to go wyciōngcie22, posmarujcie polywōm, niech trocha sie ochōdzi23 i… biercie sie za niego. Smacznego 🙂

Piernik ze kartołfloma-małe

1ô=ło

2przygotowuję

3różne

4powiedzieć

5opłaciło; ō- samogłoska w wymowie między o i u

6przepis

7wspominałem

8kilka

9piernik

10ugotowanych

11przeciśniętych przez praskę

12gorące

13pomarańczy

14najpierw

15wrzućcie

16wąchać

17rozmieszacie

18piekarnika

19uważać

20przypaliło

21jej

22wyciągnijcie

23ostudzi

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




7 Komentarze

Dodaj komentarz

Twój adres email nie zostanie opublikowany.


*