Makrōłny luksusowe (Makaroniki… chyba ;) )

Jak sie gołdo1 makrōłny2 (choć niyftorzi pedzōm3 makrōny), ta zarozki4 mōmy przed ślypiami5 ôdpust6. No i joł tyż tak mōm, yno, że te makrōłny z ôdpustu to kole7 mandli8 nawet niy stoły, a joł sam narychtowoł9 cojsik, co to je ze samych mandli- te ôdpustowe tyż kejś10 narychtuja. Receptu11 szukołech we blank12 starych kochbuchach13 i we jednym, co moł14 już prawie sto lołt,15 żech go znod16. Niy podobało mi sie, że tam bōło za kans17 cukru i jeszcze chciała ta baba- bo to kobiyta napisała ta ksiōnżka- coby noprzōd na piecu miyszać mandle ze cukrym i biołkym. Mie sie niy chciało i bez18 to sam mołcie19 barzi20 ajnfachowo21 wersja. Za starego piyrwy22 do tych makrōłnōw ôprōcz mandli dołwali tyż gorzke mandle, co to po prołwdzie23 sōm we pestkach ôd moreli i majōm we składzie cyjanowodōr. Joł tam niy lubia sie truć i bez to żech doł yno arōmat ze tych gorzkich mandli- idzie taki kupić. A keby sie fto zastanołwioł, po czamu ône sie nazywajōm luksusowe, to niech sie skoczy do sklepu i ôbejrzi, po wiela sōm mielōne mandle 😉

Co potrza?

4 biōłka

100 g cukru

300 g mielōnych mandli

ździebko24 soli

połra kapkōw25 arōmatu ze gorzkich mandli

ôblaty- te take małe ôpłatki, ale jak ich niy mołcie, to mogecie kłajś makrōłny na papiōr do pieczynioł; joł sie je prziwiōz26 z Niymiec, ale i we Polsce idzie take kupić

Biōłka ze ździebkym soli ubijcie ze cukrym na sztywno (moge to tyż być pudecuker27). Potyn pomału wmiyszejcie do tego mandle ze arōmatym. Rozgrzyjcie sie bratruła28 na 160 stopni. Na ôblaty abo na papiōr dołwejcie łyżkōm po trocha tyj masy. Jak już bajecie fertich29, to wrojście to do bratruły na 20-25 minut, żeby sie leko przibrōnołciōły30. Potyn już yno rozpusta… smacznego 🙂

Makrony-małe

1mówi

2ō- samogłoska w wymowie między o i u

3powiedzą

4zaraz

5oczami

6ô=ło

7obok

8migdałów

9przygotował

10kiedyś

11przepisu

12całkiem

13książkach kucharskich

14ma

15lat

16znalazł

17dużo

18przez

19macie

20bardziej

21prostą

22dawniej

23tak naprawdę

24szczyptę

25kropli

26przywiozłem

27cukier puder

28piekarnik

29gotowi

30przypiekły, zarumieniły

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*