Ciasto baniowe- bezglutynowe (Ciasto dyniowe- bezglutenowe)

Terozki1 je coroz to wiyncyj ludzi, co im szkodzi glutyn- niy śmiōm2 jejś3 pszynicy, żyta ani jyńczmiynia4. A jak sie tak czowiek pomyśli, że te wszyske kołołcze, ciasta i kyjkse, co je robiōły5 nasze ōłmy,6 miały tyn glutyn, no to na takim fajerze7 by sie te ludzie niy pojedli. Bez8 to żech prziszoł tyż na to, co by sam wciepnōńć9 jaki recept bezglutynowy, co by mi potyn moja jedna kōmratka10 niy pedziała11,że niy ma sam dō12 ni receptōw13 na maszkyty14. Niy kołżdymu to baje15 smakować, ale taki, co by kołżdymu dogodziōł, to sie nawet jeszcze niy urodziōł- rymowanki wyszły yno bez cufal16 😉

Co potrza?

50 dkg ôbranyj17 bani

1 szklōnka ôleju

1 szklōnka brōnołtnego18 cukru

4 jajca

2 szklōnki mōnki19 ze majsu (kukurydzy)

1,5 szklōnki mōnki gryczanyj (jak mogecie jejś glutyn, to zamiast tyj mōnki mogecie dać pszynny)

1 szklōnka mlyka

3 łeżeczki sody ôczyszczōnyj

ździebko20 soli

10 dkg pokrajanych21 daktyli

10 dkg ôrzechōw

10 dkg kandyzowanyj skōrki ze apfylziny22

Joł żech sie kupiōł takoł małoł23 bania hakkaido- łona je mniyjszoł i takoł barzi pomarańczowoł- i wrajziōł24 żech jōm w całojści do bratruły25 ôzgrzōnyj na 200 stopni na 20 min. Potyn, jak już ochōdła26, to żech obroł z ni skōra (choć niyftorzi gołdajōm27, że z tyj zorty28 niy trza ji29 obiyrać), wyciepnōł ziorka30 ze środka i potar31 żech jōm na tarle32 na tych srogich33 dziōrkach. Potyn żech wloł34 tam ôlyj i żech to jeszcze posztamfowoł35. Jak to mołcie fertich36, to dejcie ôrzechy na chwila na patelnia, żeby sie trocha uprażōły. Jajca ubijcie ze cukrym, potyn wsujcie tam mōnki, ôlyj, soda, mlyko i to fajnie wymiyszejcie. Ôzgrzyjcie piec na 180 stopni, a do ciasta dejcie jeszcze te bakalie i zajś wymiyszejcie. Narychtujcie sie wiynkszoł blacha, dejcie na nia papiōr do pieczynioł, wyłōżcie na niego ciasto i wrojście do bratruły na 45-60 min. Jak sie bydzie mocno brōnołcić, to wyciōngejcie pryndzyj, niech trocha ochōdnie i… smacznego 🙂

PS Kebyjście chcieli, to po wiyrchu mogecie te ciasto posuć37 pudecukrym38.

Ciasto baniowe- małe

1teraz

2mogą

3jeść

4jęczmienia

5ō- samogłoska w wymowie między o i u

6babcie

7uroczystości, imprezie

8przez

9wrzucić

10koleżanka

11powiedziała

12dla

13przepisów

14słodkości

15będzie

16przypadek

17ô=ło

18brązowego

19mąki

20troszeczkę

21pokrojonych

22pomarańczy

23taką małą

24włożyłem

25piekarnika

26ostygła

27mówią

28gatunku

29jej

30pestki

31potarłem

32tarce

33dużych

34wlałem

35utłukłem

36gotowe

37posypać

38cukrem pudrem

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*