Tarta ze śliwkōma (Tarta ze śliwkami)

Niy dojś1, że śliwki sōm2 dobre we smaku, to jeszcze majōm kans3 fetaminōw4: magnez, potas, żelazo i inksze5, ale- co dlo niyjednego je nojważniyjsze- sōm richtich6 dobre na trołwiynie7. I żech sie tak pomyśloł, że jak tera mōmy jeszcze na nie sezōn, to trza to wykorzystać. Receptōw8 na take ciasta je połno, ale joł żech sie pomyśloł, że zrobiymy sie tarta, bo niy dojś, że fajnie smakuje, to tyż gryfnie9 wyglōndo10 na stole. Ludzie sie trocha takich tartōw bojōm11, bo sie naczytali inkszych receptōw, kaj im kołżōm robić jōm bez połra godzin, a potyn jeszcze przipiykać ze fandzołlōma12… joł je na to za zgniōły13, ale bez to moja tarta mōgłaby niyjednego profesjōnalnego cukernika doprowadzić do hercszlagu14 😉

Co potrza?

Spodek:

200 g mōnki15 pszynny

125 g masła

3 żōłtka

3 łeżki cukru

ździebko16 soli

kapka17 arōmatu mandlowego18

Pianka:

3 biołka19

4 łeżki cukru

2 łyżeczki kakao

Wiyrch20:

500-800 g śliwek (nojlepi wyngierek)

20-50 g płatkōw ze mandli

Rozgrzyjcie piec (abo i bratruła 😉 ) na 200 stopni. Wszyske składniki spodka wciepcie21 do jaki miski i wyrōbcie. Tera niy bydymy tego dołwać do żołdnyj22 lodōwki, yno zaroz wyklejymy tym forma na tarta. Kebyjście chcieli, to mogecie tyż te ciasto sie rozwałkować miyndzy dwōma papiōrōma do pieczynioł, a potyn yno przeciepnōńć je do formy. Wrojście23 je do pieca na 15 minut, żeby sie yno leciutko przibrōnołciōło24.

Bez tyn czas, jak łone je we bratrurze, to sie ôbiercie25 śliwki i zrōbcie piana- ubijcie biōłka ze cukrym, a potyn wciepcie tam kakao i fajnie wymiyszejcie.

Na podpieczōny spodek wyłōżcie ta szokoladowoł26 piana, a na ni poukłołdejcie27 śliwki- jak na ôbrołzku28.

Zmniyjszcie sie we piecu tymperatura na 180 stopni i na 20 minut wrojście tam nasza tarta. Potyn jōm wyciōngcie29, po wiyrchu posujcie płatkōma mandli i wrojście do bratruły jeszcze na 10 minut.

Tera łostało Wōm już yno degustowanie… smacznego 🙂

Tarta ze śliwkoma-małe

1dość

2są; ō- samogłoska w wymowie między o i u

3dużo

4witamin

5inne

6naprawdę

7trawienie

8przepisów

9ładnie

10wygląda

11boją

12fasolami

13leniwy

14zawału serca

15mąki

16trochę

17kilka kropel

18migdałowego

19białka

20góra

21wrzućcie

22żadnej

23włóżcie

24przyrumieniło

25ô= ło

26czekoladową

27poukładajcie

28zdjęciu

29wyjmijcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*