Bania wōniajōnco Tajlandiōm (Dynia pachnąca Tajlandią)

Bania idzie odmiyniać bez wszyjske przipadki i miyszać ze wszyjskimi warzywōma¹ i prziprawōma, kere² Wōm³ przidōm⁴ do gowy. Połra⁵ zupōw ze baniōm już żech sam⁶ wciep⁷, ale ta lista baje⁸ jeszcze dugo⁹. Ta zupa je tak prosto do zrobiynia, że nawet kuchołrze ze dwōma lewymi rynkami bydōm¹⁰ umieli jōm narychtować¹¹. Doł¹² żech sam zielōnoł pasta curry, kero je typowoł dlo tajskyj kuchni. We składzie moł¹³ kans¹⁴ trołwy citrōłnowyj¹⁵, liście ze limōnki kafir i połra inkszych¹⁶ składnikōw. Szło¹⁷ by sie jōm narychtowac samymu, ale joł niyrołzki je zgniōły¹⁸ i we lodōwce mōm stołć¹⁹ takoł srogo²⁰ biksa²¹ tyj pasty i Wołs tyż do tego namołwiōm- terozki co chwila roztomajte²² sklepy robōm azjatycke tydnie, a i we inkszych sklepach oriyntalnych, a nawet marketach, idzie jōm trefić²³.

Co potrza?

jedna małoł bania hokkaido

3-4 marchwie

puszka mlyka kokosowego

1-1,5 litra wody

1 cebula

2 łeżki zielōnyj pasty curry

sōl i pieprz

płatki mandli²⁴ do posucia po wiyrchu

trocha masła klarowanego

Na maśle klarowanym zeszklijcie pokrōnoł²⁵ cebula, a potyn wciepcie²⁶ do tego pokrajane byle jak marchwie i bania (hakkaido niy trza ôbiyrać ze skōry, yno wybrać ziorka²⁷ ze środka). Wlyjcie²⁸ do tego wody i niech sie to chwila powarzi²⁹. Jak już bania baje miynkoł³⁰, to wlyjcie tam mlyko kokosowe i wciepcie prziprawy. Tera już yno trza³¹ to zblyndować i idzie sie brać za jedzynie. Na talyrzu posujcie³² to po wiyrchu płatkami mandli i … smacznego 🙂