Szokoladowoł bania (Czekoladowa dynia)

Szoł¹ żech sie tak dzisiej drōgōm² i mie cojsik tak naszło, żeby na gibko³ narychtować⁴ taki deser ze bani. Kupiōł żech sie bania hokkaido, bo ôna je wyraźniyjszoł we smaku i nawet niy trza ji⁵ ôbiyrać. Chwila i już mołcie co pomaszkycić⁶– no chyba, że niy lubicie bani.

Co potrza?

250 g bani

1 biołoł szokolada⁷

pó łeżeczki cimtu⁸

ździebko⁹ chili

1 łeżka brōnołtnego¹⁰ cukru

1 łeżka klarowanego masła

kapka¹¹ rumu

płatki ôd mandli¹² do posucia na wiyrchu¹³

Z tego wyńdōm¹⁴ 2 porcje.

Bania sie pokrejcie¹⁵ we kosteczka i podpiyczcie jōm ze cukrym i cimtym na patelni. Jak już baje¹⁶ miynkoł, to kapnijcie tam rumu i podpołlcie¹⁷– yno niy społlcie¹⁸ przi tym wosōw¹⁹ ani całyj kuchni 😉 Potyn wciepcie²⁰ tam szokolada i miyszejcie, aż sie ôzpuści²¹. Niyskorzi²² przeciepcie²³ do azjetek²⁴, posujcie mandlōma i… smacznego 🙂