Szokoladowe karminadle ;) (Trufle z mascarpone)

Jak je lato, to sie czowiek robi jeszcze barzi zgniōły1, jak kedy indzi2. Bez to trza wymyślać take maszkyty3, co sie je szybko narychtuje4. Sam sōm yno 3 składniki, to nawet listy zakupōw niy trza specjalnie zapisywać. 

Co potrza? 

250 g mascarpone 
100 szokolady 
100 g podłużnych biszkoptōw

Szokolada łozpuśćcie5 w jaki misce nad gorkym ze wrzōncōm wodōm. A w inkszyj misce zmiksujcie mascarpone ze łozpuszczōnōm szokoladōm i na chwila wrojście6 to do lodōwki. Biszkopty w blynderze abo robocie kuchynnym roztrzaskejcie na tako choby7 tartoł bōłka- mogecie to tyż zrobić motkym8 😉 
Jak już sie szlukniecie9 trocha tyju10 i zadzwōnicie do jaki ciotki abo kamrata11, wyciōngcie12 masa ze lodōwki, a łoztarte biszkopty wsujcie13 na jaki talyrz. Łeżeczkōm wejźcie trocha masy, wciepcie do „paniyrki”, obkulejcie i przełōżcie na talyrz. Jak już wszyske bydōm fertich, to wrojście je do lodōwki, a potyn już yno smacznego 🙂

Karminadle szokoladowe-małe

1bardziej leniwy

2kiedy indziej

3łakocie

4przygotuje

5rozpuśćcie

6włóżcie

7jakby

8młotkiem

9łykniecie

10herbaty

11kolegi

12wyciągnijcie

13wsypcie

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*