Szałołt ze śledziōma (Sałatka śledziowa)

Taki szałołt to sie moge przidać i na Ostatki jako tzw. zagrycha, i na Popielec jako danie postne. Jak jeszcze by tak pomyśleć ło tym, że zeler naciowy i jabko niy majōm za kans1 kalorii, to mōmy danie richtig2 postne. A keby tak zmiynić majōnez na jogurt i wszysko drobno pokrajać, to mołcie hekele3 fitness. Joł tam wola jednak majōnez, bo łon nōm lepi połōnczy te składniki. Ślydź je słony, jabko słodke, zeler leko ostrzyjszy, łogōrek kwaśny, a wszystko razym… już mi we brzuchu burczy 😉

Co potrza?

5 płatōw matiasa (idzie to tyż zrobić ze normalnym śledziym solōnym, yno, że bajecie4 mieli trocha wiyncyj roboty ze czyszczyniym)
5 łodygōw zelera naciowego
1-2 jabka
3-5 łogōrkōw kiszōnych  (zależy jake sōm sroge,5 joł żech doł 5, bo miołech take małe pyrtki)
trocha pokrōnego sznitlochu6
pieprz
przed podaniym 2-3 łeżki majōnezu

Matiasy to sōm heringi7 (a niyftorzi na nie gołdajōm tyż harynki), co to sie je chyto8 we maju jeszcze przed piyrszym zeksym.9 Idzie pedzieć, że to sōm same dziywice- a że łone sōm nojlepsze, to wiedzioł nawet Drakula, co to sie niby na śledziowe dziywice niy ciepoł, ale na te ludzke to już ja 😉

Pamiyntejcie, żeby je noprzōd10 porzōndnie wymoczyć- te matiasy, a niy dziewice- i połra razy zmiynić woda. Jak już śledzie bydōm fertich, to potyn trza yno wszysko fajnie pokrajać, wciepnōńć trocha pieprzu, nim bajecie jejś trocha majōnezu i szlus.11

Niy ma sam żołdnego wydziwiania, a jak sie już chycicie za tyn szałołt, to za chwila go niy bydzie… smacznego 🙂

Szałołt ze śledzioma- małe

1dużo

2naprawdę

3http://chopwkuchni.pl/?p=436

4będą Państwo

5duże

6szczypiorku

7śledzie

8łowi

9seksem

10najpierw

11koniec

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*